Lantegi Bateratua. Ematea eta formatoak

OHAR OROKORRA:

Ematen diren plano guztietan (Oin, altxaera, ebaketa...), eraikuntza (itxitura ezberdinek dituzten geruzak, zoladura ezberdinak, fatxaden despiezaketak...), egitura (ebakitako egitura elementuak hala-nola, ikusgaitz geratzen diren elementuen proiekzioak...) eta atondurak (atonduren pasabideen guneak, lokal ezberdinen kokapen eta aurreikuspenak...) irudikatuak azaldu beharko dute.

ERAIKUNTZAKO ESKARIA:

-Eraikuntza ebaketa: Eraikinaren zeharkako ebaketa 1/50 eskalan, eraikuntza osatzen duten elementuak zehaztuaz.

-Elkartzeen xehetasunak 1/10 edo 1/20 eskalan: Zimendua eta fatxada, forjatua eta fatxada, estalkia eta fatxada.

-Elementu hauen obran jartzearen analisia, zein makinaria laguntzaile beharko den zehaztuaz.

-Elementu esanguratsuenak zein enpresak ornituko dituen aipatu (Fatxada aireztatu bat planteatzen bada, esan zein sistema komertzial erabiliko den, zein enpresak ornituko duen eta zeintzu diren bere ezaugarriak)

-Obrako prozesuaren planning eskematikoa, obra prozesua esplikatu eta denboren aurreikuspen bat eginaz.

-Zein entsegu edo kalitatezko kontrol bete behar dira autatutako materialentzat?

-Autatutako soluzioaren balorazioa: sistema aurrefabrikatua da? Egokiena da? Merkatzen al du?

OHARRA: Tailer integratuak azken notaren %10-a balio du. Baina bere ematea derrigorrezkoa da ikasgaia gainditu ahal izateko.

EGITURETAKO ESKARIA:

-Egituraren tipologia eta funtzionamendu orokorraren balorazioa. Ulergarri egiteko egituraren errepresentazio espazial eskematiko bat egingo da (Axonometria, perspektiba, maketa...).

-Eraikuntzan xehatutako ebaketa berdinean, egitura modelizatuko da, bertan kargak eta hauen konbinazio hipotesiak aztertuko direlarik. Portiko honen esfortzuen diagramak irudikatuko dira.

- Egitura elementuen aurredimentsionaketa.

ZERBITZUETAKO ESKARIA:

-Atonduren funtzionamenduaren planteamendu orokorra, hartutako erabakiak arrazoituaz

-Baldintza mikroklimatikoen analisia eta gune publikoetan proiektuek duten lokalizazioaren justifikazioa:

*Egungo argiztatze naturala: Inguruan dauden elementu urbanoek sortzen dituzten eragozpenak (ebaketa eskala urbanoan), irekigune, leiho, eguzki babesak, orientazioak...

*Ongizate higrotermikoa: Giroan (tenperatura eta hezetasuna) eragina izango duten elementu urbanoen identifikazioa: Haizeen norabide nagusiak, elementu begetalak, pantailak, inguruan dauden materialak...

-Eraikineko argiztatze artifizialaren errepresentazio grafikoa (Oin eta ebaketa)

-Argiztatze artifizialarekin zerikusia duten elementuen justifikazioa: Lanparak, luminariak, iluminazio sistemak, luminarian kokapena erabilerarekiko... Guzti hau dokumentazio komertzial erabiliaz aztertuko da.

-Eraikuntza ebaketa: 1/50 eskalan xehetu den eraikuntza ebaketan atonduren xehetasunak ere integratuko dira, bereziki argiztatze artifizialeko elementuak.

AZKEN OHARRA

Ikasgai tekniko bakoitzeko lana bi Din-A3-tan kondentsatuko da (Din-A3 bakarrera mugatu ahal izango da proiektuaren tamainaren baitan).

Ikasleak iritzi badu, jarraitu dituen prozedurak edo/eta eginiko kalkuluak interesgarriak direla, edo irakasleak horrela eskatzen badu, Din-A4 formatuan dosier tekniko bat eman ahalko zaio ikasgai tekniko irakasleari.